ভৰিৰ তলুৱাৰ পৰা
ভৰিৰ তলুৱাৰ পৰা
যদি ধৰাখন
খহি পৰা যেন লাগে
নিজৰেই ঘৰখন
কাৰোবাৰ দোষতে ভাগে
পুনৰ গঢ়িবা তুমিহে বান্ধ' পুনৰ গঢ়িবা তুমি ৷
যদি পৰিয়ালে তোমাক সঙ্গ এৰে
তুমি অকলশৰীয়া হোৱা
সংসাৰ সজালেও
অপযশ পদে পদে পোৱা
পুনৰ সজাবা তুমি হে বান্ধ' পুনৰ সজাবা তুমি ৷
শান্তিক কৰি লোৱা তোমাৰ গৃহিণী
ধৈৰ্য্য হ'ব লাগে পিতৃ
দয়া হ'ব লাগে মৰমী ভগিনী.
আশা হ'ব লাগে তোমাৰ সহোদৰ
সংগ্রাম হ'ব গৈ মাতৃ ৷
যদি বিছনাৰ অভাৱত
আকাশৰ তলতে
বাগৰি পৰিব লাগে
সময়ৰ ৰঙকে
মেৰিয়াই ল'বই লাগে
তাকেই কৰিবা তুমি হাঁহিমুখে
তাকেই কৰিবা তুমি।।
0 Comments