Tomar Uxah Kohua Komal lyrics in Assamese II তোমাৰ উশাহ কঁহুৱা-কোমল II Dr. Bhupen Hazarika

 

Title: Tomar Uxah Kohua Komal

Artist: Dr. Bhupen Hazarika

 

তোমাৰ উশাহ কঁহুৱা-কোমল

তোমাৰ উশাহ কঁহুৱা-কোমল
শেৱালি-কোমল হাঁহি
হাঁহিয়ে হৃদয় হৰিলে শুনাই
এটি কিবা মিঠা বাঁহী৷
শাৰদীয়া চেনেহীৰে
কঁকাল ইমান লাহী।।
তোমাৰ উশাহ কঁহুৱা কোমল
শেৱালি কোমল হাঁহি.....

হঠাৎ আজি গালোঁ মই
মৰম সনা গীত
তাকে শুনি চেনেহীৰে
উখল মাখল চিত।
বালিত নাচে আমাক জোকাই
এটি সৰু বালিমাহী।
তোমাৰ উশাহ কঁহুৱা কোমল
শেৱালি কোমল হাঁহি.....
ৰুণুক-জুনুক সৰা পাতত
নিয়ঁৰ সৰি পৰে
গালে মুখে নিয়ঁৰ সানি
ধেমালিখন কৰে।
শেৱালীৰে বিছনাতে
আমি দুয়ো শুলোঁ
শুই শুই মেঘৰ আঁৰৰ
শৰালি গণিলোঁ ।
এহাল হাঁহে আদৰিলে
হঠাৎ নামি আহি ।
তোমাৰ উশাহ কঁহুৱা কোমল
শেৱালি কোমল হাঁহি..
হাঁহিয়ে হৃদয় হৰিলে শুনাই
এটি কিবা মিঠা বাঁহী৷
শাৰদীয়া চেনেহীৰে
কঁকাল ইমান লাহী।।
তোমাৰ উশাহ কঁহুৱা কোমল
শেৱালি কোমল হাঁহি.....